Студент ола Эстонийын эрыкан лийме кечыжым палемда 🎊
Пургыж тылзын 24-ше кечынже Тарту ола Эстон Республикын 108-ше идалыкшым пайремлаш ӱжеш. Мероприятий-влак тӱрлӧ вере эртат.
Программе эрдене Утарыше сарын шарныктышыже воктене 9:15 шагатлан пайремле построений гыч тӱҥалеш.
Обсерваторий воктене кугыжаныш тистым чеслымаш церемоний эрта. Толшо-влакым хор-влакын мурымышт, пуэн шоктышо оркестрын выступленийже вучат. Тиддеч вара 13 шагат марте шӱдырпӧрт кум евро льготан ак дене виш лиеш. Изи йоча да кӧн тоштер картыже уло, яра пурен кертыт.
Ратуша кумдыкышто уна-влаклан Кайтселийтын сарзе технике ончержым да Maatasa фольклор клуб дене ий ӱмбалне пайремым ямдылыме.
Эртарыше-влак йолын але автобус дене толаш да пелен эстон флагым налаш темлат. Тӱҥ событий-влак Ратуша кумдыкышто да Тоомемяги чоҥга воктене эртат. Пайрем шӱлыш тӧра-влакын калык ончык лектын ойлымо мутыштым телымсе чолга каныш дене иктыш уша, увертара TripToEstonia вотлаштык.
MariUver
Фото: Кугыжаныш канцелярий
Утарыше сар — Освободительная война,
шӱдырпӧрт — обсерваторий
MariUver 