200 ий ожно ны шоссе, ны кӱртньыгорно лийын огыл. Ик ола гыч весыш имне дене коштыныт. Имньым вӱдышӧ еҥым улазе маныныт.
Нуно еҥ-шамычым Моско гыч Угарман, Кострома, Владимир, Ярославль олалаш коштыктеныт. Корнышто вашлийме годым улазе-шамыч икте-весыштлан «Эх-ма, Кострома – черемис кундем» манын пелештеныт.
Кострома областьыште черемис княжествын кок рӱдолаже уло: Шанга (Старо-Шангское села) ден Якшан (Кожирово села). Воктенак Юр (Ветлуга) верланен. Ондак тудым Вӱтла княжествын рӱдолажлан шотленыт.
Ты кундемыште илыше-влак шукертак рушаҥыныт гынат, южо шомакын мутмучашыже лач марийын гаяк йоҥга. Тысе калык шкенжым ончыч «мары» ман лӱмден, руш йылмыш кусарымылан кӧра тудо «меря» шомакыш савырнен. «История о казанском царстве» летописьыште черемис – Ростов кундемын тӱп калыкше манын серыме.
XIX ден XX курымышто Кузнецов ден Матвеев шанчызе-влак меря калыкын топонимикыжым лач марий йылме негызеш шымленыт. Моло финн-угор йылме тидлан келшен толын огыл, воза «МАРИ – СУКСЫ» «КонтактЫште» мервотышто.
MariUver
MariUver 