9-ше ноябрь тошто эстон калык пайрем Март (Мартин) кечын водыжо улеш. Тиде кече гыч акрет йӱла почеш мӧчӧр тургым тӱҥалеш. Шке айожо эрла кылме тылзын 10-шо кечынже лиеш.
Мӧчӧр йӱла
Мӧчӧр-влак, тошто ой почеш, суртыш куаным, пайрем шӱлышым да пиалым кондат. Йӱла почеш мӧчӧр-влак, мурен-куштен, туштым туштен, мыскарам ыштен, пӧрт гыч пӧртыш коштыт. Вашеш оза-влак уна-влакым сийлышаш улыт, тидыже йӱла почеш ешлан шулыкым да шушаш ийын сай шурно лектышым кондышаш. Пӧртыш мӧчӧр-влак оза-влакын ӱжмышт почеш гына пурен кертыт.
Йӱлан вожшо да сынже
Март кечын вургемым савырен чийыме йӱла келге вожан улеш. Мӧчӧр-влак ожнысек пӱртӱс да мланде дене кылдалтше сыным налаш тыршеныт: кайыквусо, янлык, пушеҥге але пырче кылтам сотареныт. Погымо этнографий материал почеш, Эше XX курым кыдалнак мӧчӧр-влак шӱргым петыраш шурно парчам кучылт кертыныт да тудым ӱштеш кылденыт.
Католик кечышотышто Шнуй Мартин кече (11 ноябрь) да Мартин Лютерын шочмо кечыже (10 ноябрь) дене пайремлыме кече-влак лачеш толыт гынат, тиде йӱлан вожшо акрет годсо вераштак. Вургемым савырен чийыме йӱлам колышо-влакын кугыжанышышт да чон культ дене кылдат. Тыгеракын, Март кече шыже паша пытымым веле огыл, уштымо жап толмымат палемда, воза Ахто Каазик Facebook мервотышто.
Таче Март кече эстон тӱвыра поянлыкын кӱлешан ужашыже лийын кодеш, мер калыкым иктыш уша да ончыкылык тукымлан тӱп калык-влакын тӱжем ий годсо йӱлаштым арален кодаш полша.
MariUver
MariUver 