Тыгак марий-влакат
Эстонийысе изи калык-влак ассоциацийын эртарыме XV этноярмиҥга Таллиннын рӱдӧ кумдыкыштыжо кок кече — 20 ден 21 сентябрьыште эрта. Элысе тӱрлӧ этнос шке мастарлыкшым, кочкышыжым да тӱвыражым ончыкта.
Кок кечынат 10:00 гыч 18:00 марте эртыше концерт Эстонийыште илыше шуко калыкын семжым колышташ йӧным пуа. Таче, мутлан, сценыш «Талинн марий ушемын» чолгаеҥже-влак Таллиннысе Каарли школ пелен улшо чоншупшмаш-школын Kaarli Kanneldajad кӱслезе ансамбльже дене пырля лектыныт.
Марий Анна Макеев (Мишина) эстон муро-влакым кӱсле сем почеш мурен. Видеом тыште ончен кертыда.
Пошкырт эргашын ойыпло куштымашыжым ончен моло-влакат пырля кушташ лектыныт, тыгак мемнан тале марийна Алексей Алексееват.
Одо муро-влакым «Ошмес» ансамбль йоҥгалтарен, тудым Павел Кутергин вуйлата.
Ярмиҥга гыч фотосӱрет-влакым ончыза:
MariUver
Фотом да видеом Анна Макеев ыштен
чоншупшмаш-школ — руш. школа по интересам, эст. huvikool
MariUver 