Нарва рӱдӧ книгагудышто лекций
Ты шуматкечын, пургыж тылзын 8-ше кечынже, 12:00 шагатлан Нарва рӱдӧ библиотеке чыла кумылан-влакым «Финн-угор миф-влакын тайнышт» виш лекцийыш ӱжеш. Вашлиймаш 2025 ийыште Нарва финн-угор культур рӱдола лиймым пайремлыме кышкарыште эрта.
Каласкалымаш ӧрыктарыше да умылаш лийдыме финн-угор мифологий тӱняшке пурен каяш полша. Колыштшо-влак нине миф-влакын йӱдвеламерикысе индеец-влакын мифышт дене кылдалтмышт нерген пален налыт, Акрет Угарман кумыж палыш-влакеш возен кодымо шкешотан ю мут-влак дене палыме лийыт да нине миф-влакын йӱксавышыштым тыглай илышыштышт муыт.
Вашлиймашым нарвысе Ингий пӧрт, «Водь тӱвыра ушем» вуйлатыше да книгасӱретче, Екатерина Кузнецова вӱда. Тудо шке шинчымашыж дене пайлалтеш да колышо-влакым шолыплык да тошто ой тӱняш сымыстарен конда.
Оҥай финн-угор культур дене палыме лияш вашкыза!
MariUver
Акрет Угарман — Древний Новгород,
кумыж палыш — берестяная грамота,
книгасӱретче — иллюстратор,
шолыплык — тайна
MariUver 