23 январьыште Тарту оласе Elektriteater кинотеатрыште Лийво Нигласын Teekond koju («Мӧҥгышкӧ корно») чынилыш фильмын премьерже эртен. Тиде кино Ева Тулузын, португал-итальян-француз кокла гыч лекше этношанчызын, шке мӧҥгыжым Эстонийыште мумыж нерген ӧрыктарыше историй.
Фильм тудын шкешотан илышкорныжым ончыкта. Ончышо римысе шӱгарлаш, португал изи олаш, Будапешт университетыш, парижысе уремлашке, Пошкырт кундемысе одо ялыш да, пытартышлан, Кечывалвел Эстонийыште верланыше чодыра илемыш логалеш. Тушто Ева шӱм-чон ласкалыкым да илыш пиалым муын.
«Мӧҥгышкӧ корно» – тиде тыглай биографий гына огыл. Тиде шке идентичностьым кычалме, мӧҥгым шижмашын кӱлешлыкше да кузе кӱкшӧ культурышто шочын кушшо касвелевропысо ӱдырамаш шкешотан тӱняончалтыш да йылман финн-угор тӱням умылен шуктымо да йӧратен шындыме нерген историй.
Тарту олаште премьер деч вара «Мӧҥгышкӧ корно» фильмым Эстонийысе моло кинотеатрлаштат ончыктат, а кеҥежым кином ETV телеканалыште ужаш лиеш.
Тидын нергенак кумданрак рушла Telegram-ыште лудаш лиеш.
-
- Ева Тулуз, фильм гыч кадр. Фото: ERR.ee
-
- Кином ыштыше-влак.
-
- Ева Тулуз фильмым войзышо-влак дене
-
- Ева Тулуз фильмым войзышо-влак дене
-
- Ева Тулуз верысе одо-влак дене
Рушла колышташ:
Liivo Niglase käe all valmis portreefilm etnoloog Eva Toulouze’ist
MariUver
Фотосӱрет-влакым Эстонийыште илыше удмурт-влакын «Юмшан гур» ансамбльыштын Facebook мервотышто улшо тӱшкаж гыч налме
касвелевропысо – западноевропейская,
чынилыш – документальный,
этношанчызе — этнолог,
мервот — соцсеть
MariUver 