Шанчызын 60-ияш лӱмгечыжлан пӧлеклалтын

Ага тылзын 22-шо кечынже лекше « «Финн-угор ушемын» публикацийышт-влак» финн шымлызе Рихо Грӱнтальын 60-ияш лӱмгечыжлан пӧлеклалтын. Шанчызе марла кутыра да йылмынамат шымлен.

Itämeren kieliapajilta Volgan verkoille: Pühendusteos Riho Grünthalile 22. mail 2024 лӱман савыктышыш 43 статьям пуртымо. Але пырля тунемме йолташ, коллеге, студентышт-влак деч шкешотан «нылле кум возымо пӧлек».

Статьялаште Рихо Грӱнтальлан лишыл теме-влакым нӧлталме. Мутлан, балтиксер-финн йылме-влак шымлалтыт, мордва йылме-влак, этимологий да йылме-влакын вияҥмышт.

Погышто ныл возымаш марий-влаклан пӧлеклалтын. Иктыже Джереми Брэдлин (Jeremy Bradley) статьяже англичанла, кумытшо — финнла. Автор-влак коклаште марий вургемым шымлыше Илдико Лехтиненат улеш.

Рихо Грӱнталь (Riho Grünthal, тӱрыс лӱмжӧ Riho Manivald Villem Grünthal) 22 маыште 1964 ийыште Хельсинки олаште шочын.

1983 ий гыч Хельсинки университетыште финно-угроведений да балтиксер-финн йылме-влакым тунемын. 2003 ийыште тудо докторлык пашажым арален. 2005 ий гыч Хельсинки университетын балтиксер-финн йылме-влак профессоржо улеш.

2022 ий гыч «Финн-угор ушемым» — Suomalais-Ugrilainen Seura вуйлата.

Шанчызе марий йылмымат шымлен да марла кутыра. Тыгак тудо Марий Элышкат толын коштын, воза «Википедий». 

Itämeren kieliapajilta Volgan verkoille: Pühendusteos Riho Grünthalile 22. mail 2024 савыктышын электрон версийже.

MariUver

балтиксер-финн — прибалтийско-финский