Таче, 13-шо чатламаште, Эстонийын Рапламаа уездыштыже верланыше Йууру кугыялыште калыкна нерген каласкаленыт. Анна Макеев мероприятий гыч фото ден видео-влакым темла.
Тиде ий Эстонийыште Тӱвыра поянлык ий семын увертаралтын. Кудымшо числа гыч тӱҥалын эл мучко тиде идалык почмым палемдат. Тыгак Рапламаа уездын тӱвыра поянлык ийжым таче Йууру калык пӧртыштӧ куштымаш кас дене почыныт.
Мероприятийыш «Таллинн марий ушем» чолгаеҥ-влакымат ӱжыныт. Анна Макеев (Мишина) ден Алексей Алексеев марий-влак нерген каласкаленыт, марла муреныт. Алексеев тыгак марла кушташ туныктен. Тыгак толшо-влак марий кочкышымат тамлен кертыныт.
Ушештарена, таче Тартуштат Тӱвыра поянлык ийым пайремлын почыныт.
Мероприятий гыч фотосӱрет-влак:
Видео-влак:
MariUver
Фото да видео: Анна Макеев да Яндар Алексеев
MariUver 
Уведомление: Тартушто марла кушташ туныктат | MariUver