Ик тылзе мучко Тарту Pallas галерейыште эстон акварельзе-влакын выставкышт ышта. Тушто марий художник Жанна Тохтынат пашашт-влакым ужаш лиеш.
«Тӱрлӧ сынан акварель» ончерым шыжа тылзын 25-ше кечынже почмо. Тушко «Эстон акварельзе-влак ушемыш» пурышо 27 сӱретчын пашаштым погымо. Кӧжӧ акварельым шке саскале пашаштыже тӱҥ йӧн семын кучылтеш, кӧжӧ гын вес моло аланыште пашам ыштышыжла тиде сымыстарыше технике дене сӱретла.
«Мый акварельын тӱрлӧ сынан улмыжым акварель ден тӱрым кучылтмо ныл пашам дене ончыктем», — ман воза Жанна Тохт Facebook мервотышто.
Ончерым кылме тылзын 25-ше кечыж марте ужаш лиеш.
MariUver
Фото: Жанна Тохт да Pallas галерей Facebook мервотышто
акварельзе — акварелист
саскале — творческий
мервот — социальный сеть
MariUver 