Эстонийыште марий-влакым кином войзаш туныктеныт

00_Tsiistre_mari_film_kursШукерте огыл Эстон мландыште марий-влакым кином ыштыме пашалан туныктеныт.  Марий Эл, Татарстан, Башкортостан, ХМАО-Югра гыч толшо кандаш ӱдыр-рвезе кок арня эрвел Эстонийыште, Цийстре ялыште, шинчымашым погеныт.

Курсын организаторжо – Финн-угор фильм фонд, кудыжлан негызым пыштеныт палыме режиссёр Эдина Чӱллӧг, тале сценарист Анти Наулайнен да проектын координаторжо, Эстонийыште тунемше чолга марий ӱдыр Татьяна Алыбина. Нуно туныктымо сомылым кокымшо ий эртареныт. Ӱмаште ты верыштак одо калыкын чолгаеҥышт погынен, тунемын да лектыш семын кок кӱчык кином войзеныт.

Тений, 27 июль гыч 7 август марте, турло профессионал туныктышо-влак, вигак манмыла, кинон шочмо да шумо чыла радамжым практике гоч умылтареныт. Каласаш кӱлеш, курсын цельже, кино ден кылдалтше ямде еҥым огыл угыч туныкташ, а кино паша радамым палыдыме, но  ты сомылым умылен шукташак шонышо-влакым чумыраш.

Ты кӱчык жапыште курсын участникышт шкеныштым тӱрлӧ “коваштыште” тергеныт: сценарийым возышо, оператор, режиссёр, монтажым ыштыше, йӱкым пыштыше, эсогыл актёр лияшат пернен. Иканаште вӱдыш пурен кайыме гай, тыгай пашам шуктымаш – тиде  профессионал туныктышо-влакын лектышышт. Анти да Эдина ден пырля вес лӱмлӧ специалист-влакым палемдыман: Урмас Урберг (оператор), Паул Нурме (оператор), Лийс Нимик (монтаж паша), Анн Рейманн (йӱк паша). Нуно чыланат шукерте ваш палыме улыт, творчествышт да пашаштышт кылдалтше улыт, садлан тыгай ваш умылышо команде шонен пыштыме рӱдыш шуын, тунемаш толшылан мыняр гынат шинчымашым пуен.  Тидын нерген лектыш палдара. Кинокурс мучашлан ныл марий, тӱрлӧ сынан, кӱчык кутышан кино ямде лийын: «Оҥго»  (Акпарс Ивановын), «Муно» (Раисия Сунгурован), «Поҥго» (Екатриена Исламован), «Кече ӱма» (Надежда Гишкина да Екатерина Иликбаеван).

Каласыман, Финн-угор фильм фондын тӱҥ пашаже – ий еда июнь тылзыште  эртыше Финн-угор ФУФФ фильм фестивальым эртарымаш. Тунамак сценарийым возаш туныктышо семинарым эртарат. Шушаш ийысе фестивальыште тенийысе марий участник-влакын пашаштат экраныш лектеш, моло конкурсант-влак ден тӧр аклалташ тӱҥалеш. Тыгак нуно ий мучко, организатор-влакын экспедицийыш лектын коштмо верлаштыже фондысо моло кино-влак дене пырля калыклан ончыкталтшаш.

Лишыл жапыште ты кӱчык кино-влак интернет кумдыкыш вераҥыт.

P/S: Кок арняште шыҥдаралтме шинчымашын лектышыже, ончыкылык у марий кинон шочмылан шӱкалтыш лийын сеҥа гын сай лиеш ыле. Но умылыман, ик айдемын уш вийже гына тыште шагал. Садлан икоян-влак ваш-ваш муын, ваш полшен, пырля цельым шынден пашалан пижман.

Раисия Сунгурова,
кинокурсын участникше

Фото авторын

1 комментарий

Filed under Артикль-влак, Фото-влак

One response to “Эстонийыште марий-влакым кином войзаш туныктеныт

  1. Александр

    Пеш сай !

    Эдик Оразаев, Акпарс Иванов ВПЕРЕД и к Победе ! Нам нужны грамотные и умные марийцы. Правильно, перед тем как что-то делать нужно вначале это изучить.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s