Илыш икте — Татьяна Денисова

Мутшо Семен Вишневскийын, семже Родион Алексеевын «Илыш икте». Татьяна Денисова мура.

Вик ок эрте илыш курым,
Шуко йӧсым чытыман.
Тудо тӧрсыр тайыл курык —
Кӱзыман да волыман. 2 гана

Тудо чылт эҥер гай кадыр:
Тыш да туш савырналеш.
Вет муаш вик корным кызыт
Илышыште йӧсӧ пеш. 2 гана

Ӧпкелаш вием ок сите
Тыланда, ача-авай.
Шере-кочо илыш икте,
Нумалам киндерке гай. 2 гана

Вик ок эрте илыш курым,
Шуко йӧсым чытыман.
Тудо тӧрсыр тайыл курык —
Кӱзыман я волыман. 2 гана

Видео: Марий Эл КТРК