MariUver


Главная | Архивы


Марий Элыште «Мый марла ойлем!» акций эрта

16.05.2012 12:58

«ВийАр» тӱвыра кыл ушем Марий Эл Республикын культур, печать да калык-влакын пашашт шотышто министерствын полшымыж дене 17 майыште «Чарла Кремль» тӱвыра да историй комплексыште нылымше гана «Мый марла ойлем!» конкурс-акцийым эртара.

Тылеч ончыч тудо Марий талешке кечын 26 апрельыште эртен. Тений тудо вес тӱсым налын. Кок этап дене эрташ тӱҥалеш.

Акций деч ончыч 16 майыште Йошкар-Олаште марий самырык тукым шке уш-акылжым «Кугезе мланде» лӱман викторине сынан модмашыште терга. Чолга ӱдыр-рвезе-влак кум командыш шелалтын да шочмо калыкнан, марий кундемнан, рӱдӧ оланан эртыме корныж дене кылдалтше йодыш-влаклан чын вашмутым кычалын, икмыняр этапым эртат. Эн писе командым чапле пӧлек вуча.

Сеҥыше-влакым 17 майыште «Чарла Кремль» тӱвыра да историй комплексыште «Мый марла ойлем!» акцийлан пӧлеклалтше концертыште палемдаш тӱҥалыт. Тудо 20 шагатлан тӱҥалеш.

Акцийын тӱҥ шонымашыже марий йылмын кучылталтме тӱняжым кумдаҥдаш да шочмо йылмым пагалаш кумылаҥдаш, кугезына-влакын шӱм тулыштым арален, калыклан патриот шӱлышым пурташ, мер ушем-влак дене кылым пеҥгыдемдаш.

Ваш келшен илымаште, пагалымаште да ваш полшен шогымаште – вий!

Чыладам пагален ӱжына! — возат акцийым ямдылыше-влак.

“Марий Эл” КТРК-н акций нерген радиопередачыже (mp3, 19Mb)

MariUver

Опубликовал: MariUver

Рубрики: Увер-влак

Метки:

Добавить комментарий



Mobile Site | Full Site


Get a free blog at WordPress.com Theme: WordPress Mobile Edition by Alex King.