Пургыж тылзын 6-шо кечынже Марий университетын «Г» тунемме корпусыштыжо школышто тунемше-влакын олимпиадышт эртен.
Марий туныктеж институт да Марий кугыжаныш университет школьник-влакын йылме шотышто праваштым да калыккультур йодмашыштым шукташ йӧным ыштен шогышо предмет-влак дене виш республикысе (да регион-влак кокласе) олимпиадыш 100 утла еҥым чумыреныт.
Республик кӱкшытан олимпиадыште тӱҥтуныктеж школласе 9-11 класслаште тунемше-влак шке шинчымашыштым марий (кугыжаныш) йылме, татар йылме да татар (кугыжаныш) йылме, татар литератур да КЭТ* дене тергеныт. Чылаже тышке 67 ӱдыр-рвезе ушнен. А марий йылме да сылнымут дене регион-влак кокласе олимпиаде тений шке йырже шкенан тунемше-влак деч посна Пошкырт да Татарстан, Киров область гыч толшо 45 тунемшым чумырен.
Марий йылме дене ты гана эн келге шинчымашым ончыктеныт да икмыше верым сеҥен налыныт: В.Оразаева (Морко район, Унчо школ, 9 кл.), А.Смирнова (Поранча район, Кугу Пумарий школ, 10 кл.), О.Манаева (Морко район, Коркатово лицей, 11 кл.). Марий литератур дене: А.Воронцова (У Роҥго район, Ӱшнур школ, 9 кл.), Э.Семёнова (Морко район, Унчо школ, 10 кл.), С.Александрова (У Роҥго район, Ӱшнур школ, 11 кл.). Марий (кугыжаныш) йылме дене икымше степенян диплом дене 9-ше классыште тунемше-влак Ю.Свистунова (У Торъял район, Пектубай школ) ден Ю.Павлова (Параньга школ) палемдалтыныт, а шочмо кундемын историй ден культурыжым палыме шотышто эн сай шинчымашым Р.Азонов (Йошкар-Оласе Ломоносов лӱмеш лицей) ончыктен, татар йылме дене — З.Акмадшин (Поранча район, Мераҥсола школ). Икымше-кумшо верлам сеҥен налше-влакым палемдыме деч посна жюри посна призым — пашам устан шуктымылан — ыштен. Тудым С.Александрова (У Роҥго район, Ӱшнур школ) ден М.Иванова (Юлсер район, Кугу Корамас школ) сеҥен налыныт, воза «Марий Эл» газет.
Олимпиаде нерген «Марий Эл ТВ»-н видеосюжетше:
Олимпиаде нерген рашрак «Марий Эл» газетын «Шочмо йылме эн шерге, эн ныжыл» артикльыштыже лудса.
MariUver
*КЭТ (Калык-влакын эртыкышт да тӱвырашт) — ИКН (История и культура народов)
MariUver 