Пургыж тылзын 27 кечынже Виче кундемысе Вятские Поляны олаште Марий тӱвыра кече эрташ тӱҥалеш.
«Мир» тӱвыра-каныш рӱдерыште киров марий-влак Марий Элын сулло артистше-влакын Александр Егошинын, Раисия Данилован да мурызо Лариса Сидоркинан «Марий кундем» семӱзгар оркестр почеш мурымыштым колыштын кертыт.
Концерт деч вара Виче да Йошкар-Оласе руш, татар культур рӱдерын специалистше-влак «Тӱвыра – калыкнан илышыштыже» йыргешке ӱстел йыр погынат.
Марий культур кече годым ужалмаште марий книга, диск да кид дене ыштыме арвер ден марий тувырым налаш йӧн лектеш.
Пайрем этнодискотеке дене мучашлалтеш.
Мероприятий Марий Эл да Киров кундем кокласе тӱвыра аланыште вашкылым пеҥгыдемдыше ойпидыш почеш кок ийлан ик гана эртаралтеш.
MariUver
MariUver 