Эҥермучаш школ нерген «йыргешке ӱстел» йыр мутланыме

Ӱмаште теле тылзын 23-шо кечынже Пермь кундемын Суксо районысо Эҥермучаш школыштыжо «Школ — Пермь кундемысе илыше марий-влакын тӱвыра, йылме, йӱла поянлыкыштым арален кодымо шотышто рӱдер» тема дене «йыргешке ӱстелым» эртен.

Пу гыч ыштыме тиде тошто оралтыште пашам ыштымым чарыме нерген йодыш кызытат пеш пӱсӧ. Верысе марий-влак, тӱрлӧ йӧным кучылтын, тиде йодышлан чын вашмутым муаш тыршат.

Мероприятийыш Пермь кундемысе губернаторын да Суксо районын администрацийыштын еҥышт, шанчызе, школ вуйлатыше-влак, калыктӱвыра компонент дене пашам ыштыше туныктышо-шамыч да татар да руш калыкле (национальный) рӱдер-влакын представительышт ушненыт.

Эҥермучаш да пошкудо Кызганде школ-влакын вуйлатышышт ден туныктышыштын докладышт пеш келге да пӱсӧ лийыныт. «Кок йылме дене кутырышо йоча-влакым шочмо калыкын йылме поянлыкшылан эҥертен куштымашын кӱлешлыкше моткоч кугу. Тыгак школ — ялыште илыше калыкын тӱвыра рӱдерже. Тудо калыкле ойыртемым арален кодаш полша», — умылтараш тыршеныт нуно погынышо-шамычлан. Тиде «йыргешке ӱстел» йыр мутланымаш могай-гынат шӱкалтышым ышта манын ӱшаныме шуэш.

Эше ик куандарыше увер: Пермь кундемыште илыше калык-влак коклаште кылым вияҥдыме да пеҥгыдемдыме шотышто крайысе лӱмын ыштыме программе почеш Кызганде ден Эҥермучаш ялласе кнагагудо ден школлашке Марий Элысе книга савыктыш гыч 24 тӱжем теҥгеаш сылнымут ден шанче-методик литературым налме. Тыгак Эҥермучаш школыш эше 18 тӱжем теҥгелан тунемме кнагалам кондымо, воза «Марий Эл» газет.

«Йыргешке ӱстелын» радамже (рушла) >>

Эҥермучаш школ марий калыкын поянлыкшым арала (рушла) >>

Эҥермучаш школын миссийже (рушла) >>

Эҥермучаш школын эртымгорныж гыч (рушла) >>

Эҥермучаш школын сайтше >>

«Йыргешке ӱстелын» буклетше (pub, 5,5 Mb) >>

Налмывер: «Сулий» тӱвыра рӱдер

1 комментарий

Filed under Артикль-влак

One response to “Эҥермучаш школ нерген «йыргешке ӱстел» йыр мутланыме

  1. Опанас

    >воза “Марий Эл” газет.

    MariUver эре кунам кушеч могай текстым налмыжым ончыкта. Такшым, «Марий Эл» газет тиде уверым MariUver гыч але «Сулийын» сайтше гыч налын, але MariUver гоч «шке муыныт»… Марий газет-влак, тыгак Марий Эл Радио чӱчкыдын MariUver гыч уверым шолыштыт, нигунам кушеч налмыштым огыт ончыкто… Марий журналист-влак, нимогай журналистын этикыже тендан уке, те шкендан коллегыдан пашажым нимынярят ода пагале. Тыге чын журналист ок ыште!!!

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s