Хельсинкиштӹ Кырык Мары клуб 2008-шӹ им кашартен

alikovХельсинкиштӹш Кырык мары клублан шукыжат агыл, лач кым и веле дä акситешӹжӹ тӹдӹ когожат агыл. Активно тӹштӹ кок эдем веле пäшäм анзыкы шӹкäт: махань-шон погынымашвлäм, литература вадывлäм эртäрäт, кофе äль чäйӹм йӱмӹ лошты Марий Элыштыш увервлä дä лиäлтмäшвлä гишäн хытырат, тӹшкӹ толшы хынавлäлäн мелӹнок тидӹм ӹштäт.

Тене Кырык Мары клуб ӹшке пäшäжӹм кашартымы лӹм доно ”Брассие” кафештӹ глинтвейн вадым эртäрен дä варажы Национальный Оперышты Джузеппе Вердин ”Риголетто” оперын премьерыжым анжен. Тӹ ваднок Антуан де Сент Экзюперин ”Изи принц” книгäн лäкмӹжӹ гишäн хынавлäлäн увертäрӹмӹ лин, но книгн презентацижӹм Хельсинкиштӹ толшаш ин телӹм эртäрäш шанымы.

Пäлдӹртäш келеш, Кырык Мары клуб туан йӹлмӹнä доно книгä лыкмашым пиш керäл пäшäэш шотла дä седӹндонат ти шотышты махань-шон проектвлäм ӹлӹмäшӹшкӹ пырташ цаца.

kuprina2008-шӹ ин Клубнан цацымыжы доно кырык марла 3 книгä лäктӹн: ”Изи принц” гӹц пасна эче эстон йӹлмӹ гӹц сäрымӹ Вийви Луйкын ”Шӹмшӹ тыр шошымжы” дон Вäйнö Линнан ”Пäлӹдӹмӹ салтакшы”. Ти кок книгäн презентацжиштӹ кäнгӹжӹм Цикмäштӹ Никон Игнатьев лӹмäн библиотекӹштӹ дä М. А. Кастрен Ушем дон Эстон Йӹлмӹ Институтышты эртенӹт.

Клуб тенгеок махань-шон открыткывлäм лыктеш, кӹзӹт якте коллекциштӹнä 6 йиш открытка погынен.

Книгä дä открыткывлäм лыкмы пäшä гӹц пасна Кырык Мары Клуб тенгеок мары студентвлäлäн Суоми мӱлäндӹштӹ кäнгӹж пäшä вäрӹм моаш, йöнвлäм кӹчäлӹн. Тене цилäжӹ 20 утла студент мöр погымы пäшäшкӹ толын, нӹнӹ ёшкар Ола дон чебоксар гӹц ылыныт.

Тидӹ гӹц пасна Клубын эдемвлäжӹ махань-шон семинарвлä дон конгрессвлäштӹ участвуят дä кырык марынвлä гишäн увервлäм шäрäт, туан сӹлнӹшаяна гишäн шайыштыт. Ти пäшäштäт кӹцкӹвлäм ужаш лиэш, шамаклан поэт Владислав Самойловын афоризмвлäжӹм финн-угр сирӹзӹвлäн антологишкӹ пырташ манын, кӹзӹт сäрӹмӹ пäшä кеä.

”Изи гӹнят – шарга” халык шая улы. Техень чӹдӹ ви доно Кырык Мары Клуб пäшäлä дä анжаланаат, тӹдӹн кӹцкӹвлäьжӹмäт ужын кердӹнä. Тидӹжӹм лач Хельсинкиштӹ веле агыл, тенгеок Кырык дä Кожла сирӹштäт цаклышывлä ылыт. Йöн улат, Хельсинкиштӹш Кырык Мары Клуб MariUver-ын цилä лыдшывлäжӹм Цäшäн У И доно дä Сусу Шартял доно кымылангда. Шулыкан, цäшäн лидä дä туан йӹлмӹнä дä культурына верц пäшäм ӹштäш иквäреш ушныда!

cashan_u_i

Валери Аликов,
Хельсинки

Фото: Валери Аликов “Изи Принц” книгä доно. Паппас бар. (Й.Купринан фотожы);
Юлия вады салют фонышты. Национальный Опера лишнӹ. (В. Аликовын фотожы)
.

4 комментария

Filed under Артикль-влак

4 responses to “Хельсинкиштӹ Кырык Мары клуб 2008-шӹ им кашартен

  1. Тау, Валери, MariUver дене пырля пашам ыштыметлан: оҥай увер, артикль, фотосӱрет да шонымашет-влаклан. Тыйымат да Кырык Мары клубымат эртыше (да шушаш ортодокс) Рошто, У ий, Шорыкйол дене саламлем. Тек чыла шонен пыштымыда илышыш пурталтеш.
    Цӓшӓн У и дӓ Сусу Шартял доно!

  2. Tsikma

    Shälä! Tau pury shamaklenät! Päshäet ashnyzhy, MariUver!

  3. Marilainen

    Пеш яжо, Валерий! Кусарымаш нерген Тендан дене мутланынем ыле?!

  4. Tsikma

    Шäлä Marilainen. Пиш яжо! Мары йӹлмӹвлäш сäрӹмӹ гишäн попаш дä кымдан попаш, дискуссивлäм эртäрäш келеш. Ядмашетшӹ махань ыльы?

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s