Tag Archives: марий

«Кандырам» боди-арт дене ушеныт (ФОТО, ВИДЕО)

Кодшо кугарнян Мишкан — Бажан корнÿмбалне, Нерге ял деч тораште огыл, йыргыктен йогышо памаш воктен йÿштö вÿдым подылаш чарналтыше еҥ-влак оҥай сÿретым эскерен кертыныт. Йомак тÿнясе семын пушеҥгыла коклаште вÿд водыж чÿчкалтен коштылден. Икганаште кок шиялтыш дене марий семым луктын, лышташ кокласе пеледыш-влакын чоныштымат савырен, юзо виян «кандырам» тавалташ таратен. Вараракше тудын йогынышкыжо памаш деке вÿд йÿаш волышо марий ÿдыр-влакат кумылын ушненыт… Читать далее

1 комментарий

Filed under Артикль-влак

Марий рок-группо Финляндийыш каен (ВИДЕО)

«Pairem» марий фолк-рок-группо Суомиш лектын. Тушто нуно моло финн-угор рок-группо-влак дене пырля «SUGRI-ROCK» лÿман концерт дене Финляндий мучко кошташ тÿҥлыт. Тур 24-ше сорлан тÿҥалеш да 11-ше идым марте шуйна. «Pairem» группо нерген «Марий Эл увер аршаш» каласкала:

Налмывер: TheVinokurov

Оставьте комментарий

Filed under Видео

Тÿҥ онаеҥ: Калыкнан пӱрымашыже йӱксӧ корно гай

Кокымшо марий форумышто Александр Таныгинын ойлымыжо

Юмыйӱлан тачысе кечыже

Марий йӱлан шочмо пагытше нерген ме калык ойпого гыч палена. Ош тӱнян шочмо жапше деч, руш мут дене ойлаш гын, «От Сотворения мира», ме таче 7517 идалыкым илена. Тӱнясе калык тудын годсек пала Сандалык Ош Поро Юмынам. Калыкнан уш-акылыштыже шуко деч шуко шинчымаш возалт кодын. Кушеч мемнан шӱмбел мландына Ош Кече деке толын? Кунам айдемын чонжо, илыш ылыжын, мотор деч мотор пӱртӱс чӱчкалтен? Тидын нерген калыкнан ойпогыжо каласкала, шочмо йылме дене йоҥгалтше кугече мурышто тидын нерген ойлалтеш: Читать далее

4 комментария

Filed under Артикль-влак

Андрей Андриановлан 70 ий темын (ВИДЕО)

Тений шошым Марий Элын калык артистше Андрей Андрианов шкенжын 70 ияш лӱмгечыжым палемдыш.

А тидлан пӧлеклалтше касым Марий самырык театр 10 ноябрьыште эртарыш. Калыклан «Чодыраял Элыксандр» (Т.Минуллин) шӱлыкан комедийым темлыш. Тушто тӱҥ рольым Андрей Андрианов модо.

Шындык* деч вара тудым лӱмгечыж дене родо-тукымжо, йолташыже, землякше, студентше-шамыч саламлышт. Читать далее

Оставьте комментарий

Filed under Видео, Увер-влак

Марий сӱрет да семмастар-влак Сербийыш фестивальыш миен толыныт

Марий-влак СербийыштеМарий тÿвыра да сымыктыш аланыште тыршыше мастар-влак кеҥеж жапыште каненыт веле огыл, южышт эше тӱрлö кундемышке миен коштыныт, шке усталыкышт дене палдареныт. Ик тыгай тӱшка августышто эсогыл Сербийыш шумеш корным кучен. Тышкыже лӱмлö художник Иван Ямбердов, тудын коллегыже Сергей Алдушкин, уста музыкант Арсений Яйцов да Фаина Эшмякован вуйлатыме кӱслезе трио (тушто самырык семмастар-влак Таня Емельянова ден Алена Данилова шоктат) пуреныт. Читать далее

2 комментария

Filed under Артикль-влак

Сÿрет да почеламут финн ден марий-влакым ушат

Соня Чеснокова-Вääри М.А. Кастрен ушемыште марий сылнымут нерген каласкала. Фото: Валерий Аликов15 сентябрьыште 14 шагатлан Тимофей Евсеев лӱмеш калыкле* тоштерыште «Кок мургорно, кок сӱрет…» сылнымут да сӱрет ончер* почылтеш.

Тудым Суоми эл гыч финн поэт ден сӱретче-влак ончалаш темлат. Тийти Менделин, Туула Палмунен, Кати Юхола, Саари Сеппо, Туула Никулайнен, марий мутмастар, кидмастар, художник-влак дене вашлийын, шке пашашт нерген мутланаш ямдылалтыт. Сымыктышын кок жанржым  иктеш ушен, Читать далее

Оставьте комментарий

Filed under Увер-влак

Пошкырт марий ялыште у школым почмо

Школым почмо годымИк шот дене Усолаште икмыняр ий ожнак тÿҥ школым чоҥаш тÿҥалшаш ыльыч. Тидлан кÿлеш документ-влакым шукертак ямдылен шуктымо гынат, ала-могай амал дене тиде паша шуялте. Икманаш, кодший шошымсо пожар деч вара гына тÿҥалтыш школым чоҥаш содоррак пижыч.

Тиде поро сомылым ик ий жапыште «Мостостроительное управление» организаций (тÿҥ директоржо Рим Жданов) ыштен шуктыш. Читать далее

Оставьте комментарий

Filed under Увер-влак