Кум ий шуйнышо проект илышыш шыҥдаралтын! «Зоя Дудина: Кум томан ойпого» савыктыш ош тӱням ужын.
Икымше том «Куанышым куэм ӧндал»: поэзий. 2012 ийыште Марий Эл Республикысе тӱвыра, печать да национальность паша шотышто министерствын савыктыме шотышто программыж почеш печатлалтын.
Куанышым куэм ӧндал,
Ваштар дек толын воштыльым,
Писештым пистерем ончал,
Шопкер пелен мый шойыштым… Читать далее
Filed under Книга-влак
Йошкар-Олаште эше ик пайдале, чапле книга савыкталт лекте. Тиде – Озаҥ университетын профессоржо, морко марий Иван Николаевич Смирновын (1856–1904) «Черемисы. Историко-этнографический очеркше». Тыгаяк лҥман книга икымше гана 1889 ийыште ош тӱням ужын да тетла тудым нигунам угыч лукмо огыл ыле. Сандене ты савыктышым 125 ияш лӱмгечылан пӧлеклыме семын ончыман.
Ты книгам ямдылаш «Валентин Колумб лӱмеш рӱдер-тоштер» эше 2002 ийыштак пижын ыле. Но тӱрлӧ амаллан кӧра лудшын ты вучымо пиалан кечыже латкок ий шуйналте. Эше 2005 ийыштак Тӱнямбал финн-угор шымлызе-влакын X конгрессышт вашеш Марий университет дене пырля ямдыленна ыле, но савыкталт ыш керт Читать далее
Filed under Артикль-влак, Книга-влак
«Турнявӧчыж, Регенче да молат»
Елена Юнусован «Турнявӧчыж, Регенче да молат» книгаже ош тӱням ужын. Тушко йоча-влаклан 11 тӱрлӧ сынан да койышан йомак пурен. Елена Юнусова Турнявӧчыжын, Регенчын, Модын, Коракигын, Ужаваигын да тудын аважын, молынат илышышт нерген утларак сымыстарышын каласкала. Книгам оҥай сӱрет дене Мария Клюкина сӧрастарен. Нине сӱрет-влакым йоча-влак, кузе шонат – туге, тӱрлӧ чия дене чиялтен кертыт. Тиде книга ӱдыр-рвезе-влакым йомак кугыжаныште коштыктымо деч посна, уш-акылыштым да кидыштым лывырташ полша. Книгам Марий Эл писатель ушем савыктен. Читать далее
Filed under Йоча-влаклан, Книга-влак
А.Федорченкон «Олык марий-влакын кавасе ватышт» кинож гыч ужаш.
MariUver
Filed under Книга-влак, Музык
Мӱкш омартала лӱшкышӧ олам коден,
Мый тольым мӧҥгышкӧ, канаш ласканак.
Но мом канет, кунам авамже туныктен
Лияш шкеж гай ура чонанак.
Эре возем. Возем, ялемым моктынем.
Уэш-пачаш ик мутымак тӱем.
Но вот авам йӱк шоктыш воктенем:
«Кузе вара кая пашатше, эргым?»
Блокнотым налын, авамлан стихем лудам,
А тудо лач саҥгажым куптыртале:
«Удан лектеш вет, эргым, пеш удан,
Кунам пашам вич парнятла от пале». Читать далее
Filed under Книга-влак, Сылнымут
Валентин Колумб лӱмеш рӱдер-тоштер 29 сентябрьыште концертым эртара. Концерт жапыштак муро книга презентаций лиеш.
«Муро пыжаш чоныштем». 1950–1980-ше ийласе муро» – шукерте огыл гына марий муро сборник савыкталт лекте. Читать далее
Filed under Книга-влак, Марий муро, Музык, Увер-влак
Марий книга савыктыш сылнымутым йöратыше-влаклан эше ик у книгам луктын. Яков Егоровын «Ир шоган» романже ятыр марий еҥын кумылжым авалта, шонена.
Вет романыште Кугу Авамланде сар деч варасе неле илышым, икшыве-влакын шужен, йöсланен кушмыштым, кугыеҥ дене тӧр пашам ыштымыштым, тыршен тунемаш тӧчымыштым ончыктымо. Читать далее
Filed under Книга-влак, Увер-влак
Почеламутчо Светлана Григорьевам ме тыгак шуко мурын авторжо семын палена. Кодшо кечылаште тудын «Мардеж лийнем ыле эрдене…» муро погыжо ош тӱням ужо.
Тушко Светланан мутшылан возымо 200 утла мурым пуртымо. Книгам икмыняр ужашлан шелме. Тушто марий семлызе-влак дене, тыгак вес калык-влакын композиторыштын семыштлан возымо, тӱрлӧ йылме гыч кусарыме мураршашым, йочалан возымо муро-влакым пуртымо. Читать далее
Filed under Видео, Книга-влак, Музык, Увер-влак
