21-25 октябрьыште Марий тӱвыра рӱдер Йошкар-Олаште «Марий калыкын йӱла да пайремже-влак» регион кӱкшытан семинар-практикумым эртара.
Тушко Киров, Пермь, Башкортостан, Татарстан, Свердловск кундемла гыч тӱвыра пашаеҥ-влак толыт. Семинар жапыште марий пайрем-влакын ойыртемжым шымлат, мероприятийлан сценарийым возат, режиссурым, пайремлан келшыше мурым да куштымашым тунемаш тӱҥалыт.
Семинарзе-влак Марий Элын икмыняр районлашкыже миен коштыт. Тыге нуно Провой кундемыште «Агун мелна» йӱла шуктымым эскерат, Советский районышто «Угинде» пайремым ончат, Марий касыште да финн-угор родо-тукымлан пӧлеклалтше пайремыште лийыт.
«Марий калыкын йӱла да пайремже-влак» регион кӱкшытан семинар-практикум «Российын тӱвыраже» федерал целевой программе да «Марий Эл Республикым 2013 ийыште этнокультур могырым вияҥмаш» республикыште лӱмын ыштыме программе почеш эртаралтеш.
Галина Ласточкина
MariUver 
А ӧрдыж еҥым семинарысе доклад шамычым колышташ пуртат? Жапым, теме-влакым кушан пален налаш лиеш?
Tыште программым ончалза:
http://mari-centr.ru/aficha/seminares/334—l-r.html
Тыглай еҥат толын сеҥа. Ме чылаштым вучен, лач малетн да пукшен гына огына керт.
а марий калыкшым аралаш кушто тунемаш лиеш?