Финн-угор писатель-влакын конгрессышт пашажым тӱҥалын

Теҥгече М.Шкетан лӱмеш кугыжаныш театрыште Финн-угор сылнымутчо-влакын Х тӱнямбал конгрессышт почылтын.

Тышке лӱмлö писатель, шымлызе-влак дене вашлияш Марий Элнан районлаж гычат серызе йолташна, тӱвыра пашаеҥ, туныктышо-влак толыныт. Тӱрлö кундемла гыч чумыргышо родына-влакын  вашлийме куаныштым ялыште илыше йолташна-влакат авалтышт.

Эрдене делегат ден уна-влак Йошкар-Оласе Советский уремын 173-шо №-ан пöртшö воктеке чумыргеныт. Тыште мер да кугыжаныш пашаеҥ, писатель, финн-угор сылнымут ешым шочыктышо, конгресслан тӱҥалтышым ыштыше Миклай Рыбаков илен. Тудлан шарнымаш оҥам почмо годым Арво Валтон, Петер Домокош, Ксенофонт Сануков, Альбертина Иванова да молат пелештышт. Писательын ӱдыржö Марина Николаевна Соловьева конгресслан, Марий Эл Тӱвыра, печать да национальность паша шотышто министерствылан  тауштен, Николай Федоровичын тӱҥалме пашажым арален илаш сугыньлыш.

Конгресс почылтмо деч ончыч, ваш-ваш сай паша лектышым сугыньлымыла, Сергей Маковын кантатыжын премьерыже лие. Икымше гана сценыш лукмо у произведений Зоя Дудинан серыме мутшылан возалтын. Тудым Марий Элын да Чуваш Республикын капеллыже-влак кугу куат дене йоҥгалтарышт.

Конгресс лӱмеш ятыр саламлымашан ой шоктыш. Марий Эл Республикын президентше Леонид Маркеловын, Россий Федерацийын йотэл паша министржын алмаштышыже Александр Яковенкон, Юлкундем федерал йырвелыште РФ Президентын ӱшанъеҥже  Григорий Рапотан да молынат тыланыме шомакыштым калык совым пералтен вашлие.

— Сылнымутчо-влак кеч-кунамат ончыл мерилыш идейым илышыш шыҥдарыше, шке калыкын куатшым ончыкташ тыршыше лийыныт. Мый шонем, Марий Элыштат писатель-влаклан серен ончыктышашлык сӱрет ятыр уло, — палемден Л.Маркелов.

Конгрессыш толшо-влак кок пленар заседанийыште ятыр докладым колыштыныт. Нунылан, очыни, мер да кугыжаныш пашаеҥ, писатель Миклай Рыбаков нерген доклад ятыр жаплан ушешышт кодеш. Тудым Марий Эл сымыктышын сулло еҥже, поэт Альбертина Иванова ыштен. «Марий сылнымутышто Миклай Рыбаковын саманже» — тыгай шонымашан доклад эше ик гана ты куатле айдемылан вуйым савыме семын йоҥгалте.

Кастене конгрессын делегат ден унаже-влак  Эрик Сапаев лӱмеш опер да балет театрын сценыштыже Элина Архипован «Алдиар» оперыже ончыкталтын. Тидын деч вара конгрессын участникше-влак Марий Эл Правительствын унаже лийыныт.

Зоя Глушкова.

М.Скобелевын фотожо, кугемдашлан темдал.

Снимкылаште: Конгресс почмо годым; Миклай Рыбаковлан шарнымашан оҥам почмо годым покшелне Арво Валтон, писательын ӱдыржö М.Соловьева, А.Иванова.

Налмывер: «Марий Эл» газет

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s